കല്യാശ്ശേരി വാര്ത്താ വിവരണം
കല്യാശേരി മണ്ഡലത്തിൽ പൊതുവിദ്യാലയത്തിൽ ഇക്കുറിയും കുട്ടികൾ കൂടി
3 June 2018
Reporter: shanil cheruthazham
പിലാത്തറ: കല്യാശേരി മണ്ഡലത്തിൽ പൊതുവിദ്യാലയത്തിൽ ഇക്കുറിയും കുട്ടികൾ കൂടി. കഴിഞ്ഞ വർഷം ജില്ലയിൽ ഒന്നാംതരത്തിൽ ഏറ്റവും കൂടുതൽ കുട്ടികൾ പ്രവേശിച്ചതും ഇവിടെയായിരുന്നു. കല്യാശേരി മണ്ഡലത്തിലെ പത്തു പഞ്ചായത്തുകളിലായി ഈ വർഷം 2109കുട്ടികൾ ഒന്നാം ക്ലാസ്സിൽ പ്രവേശനം നേടി.
കല്യാശേരി-454, പട്ടുവം - 145, കണ്ണപുരം - 70 , ചെറുകുന്ന്-135 ,മാടായി- 258 ,മാട്ടൂൽ-210,ഏഴോം-179, ചെറുതാഴം - 160 , കുഞ്ഞിമംഗലം- 126 , കടന്നപ്പള്ളി - പാണപ്പുഴ-372 എന്നിങ്ങനെയാണ് പഞ്ചായത്തുതല ഒന്നാം ക്ലാസ്സിൽ പ്രവേശനം നേടിയ കുട്ടികളുടെ എണ്ണം. രണ്ടു മുതൽ എട്ടുവരെയുള്ള ക്ലാസ്സുകളിലായി 4000ത്തിലധികം കുട്ടികൾ അൺ എയ്ഡഡ് വിദ്യാലയങ്ങളിൽ നിന്നെത്തി. ആറാം പ്രവൃത്തി ദിവസം കഴിയുന്നോടെ കുട്ടികളുടെ എണ്ണം ഇതിലും കൂടും. ജില്ലയിൽ ഏറ്റവും കൂടുതൽ കുട്ടികൾ പ്രവേശനം നേടിയ പൊതുവിദ്യാലയമായ വിളയാംങ്കോട് സെന്റ് മേരീസ് എൽ പി സ്കൂൾ ഈ മണ്ഡലത്തിലാണ്.