വിവരണം ഓര്മ്മചെപ്പ്
വേറിട്ട വഴിയിൽ യുവകൂട്ടായ്മ മാതൃകയാകുന്നു - ഇത് ആലിൻകീഴിൽ സ്റ്റൈൽ
Reporter: pilathara.com
"കുഞ്ഞിമംഗലത്തുള്ള ആലിൻ കീഴിൽ ബ്രദേഴ്സ് ദുരിതാശ്വാസ ഭൂമിയിലേക്ക് നിരന്തരം സഹായമെത്തിക്കാൻ മുൻ നിരയിലാണുള്ളത്."
17 വർഷക്കാലമായി കുഞ്ഞിമംഗലം തെക്കുമ്പാട് പ്രവർത്തിച്ചു വരുന്ന AKLB ( ആലിൻ കീഴിൽ ബ്രദേഴ്സ് കുഞ്ഞിമംഗലം ) ചെറുപ്പക്കാർ നേതൃനിരയിലുള്ള ഈ സംഘടന കലാ-കായിക , സാംസ്കാരികരംഗത്തു സ്തുത്യർഹമായ സേവനം നൽകിവരുന്നു .
വെള്ളപ്പൊക്കത്തിൽ ദുരിതമനുഭവിക്കുന്നവർക്കായ് നിരവധി സഹായങ്ങളാണ് നേരിട്ടും , മുഖ്യമന്ത്രിയുടെ സഹായ നിധിയിലേക്കുമായി ഇതിനകം നൽകിയത് . ഓണാഘോഷം മാറ്റിവെച്ച വകയിൽ ഒരു ലക്ഷം രൂപയിലധികം വരുന്ന ആവശ്യസാധനങ്ങളുമായി വയനാട് ജില്ലയിൽ ദുരിതം വിതച്ച ആദ്യ നാളുകളിൽ തന്നെ സഹായം എത്തിച്ചായിരുന്നു തുടക്കം . പിന്നീട് നാട്ടുകാരുടെ സഹായത്തോടെ അവശ്യ സാധനങ്ങളുടെ കളക്ഷൻ ആരംഭിക്കുകയും ദുരിതബാധിരരുടെ ആവശ്യം കണ്ടറിഞ്ഞു കേരളത്തിൽ ദുരിതമനുഭവിക്കുന്ന വിവിധ പ്രദേശങ്ങളിൽ ഭക്ഷണവും , വസ്ത്രങ്ങളും , മെഡിസിനും , ക്ളീനിങ് തുടങ്ങിയ നിരവധി അവശ്യ വസ്തുക്കൾ നൽകിയും , വളണ്ടിയർ ആയി സേവനം അനുഷ്ടിച്ചു മാതൃകയാണ് കുഞ്ഞിമംഗലത്തെ ഈ കൂട്ടായ്മ്മ . തുടർ സഹായമായി മുഖ്യമന്ത്രിയുടെ ദുരിതാശ്വാസ നിധിയിലേക്കായി കല്യാശേരി എം എൽ എ - ടി വി രാജേഷിനു അമ്പത്തിനായിരം രൂപയുടെ (RS 50000/- ) ക്യാഷ് കൈമാറിയിരിക്കുകയാണ്.
എല്ലാവർഷവും ഏറ്റവും മികച്ച രീതിയിൽ ഓണാഘോഷം നടത്താറുള്ള ഈ ക്ലബ് , ഈ വർഷം ഓണാഘോഷത്തിന്റെ ഭാഗമായി കുട്ടികളുടെയും , അമ്മമാരുടെയും , ചെറുപ്പക്കാരുടെയും വിവിധങ്ങളായ പരിപാടികൾ റിഹേഴ്സൽ ആരംഭിച്ചപ്പോളാണ് കേരളത്തെ നടുക്കിയ ദുരിതം നടന്നത് .തുടർന്ന് ഈ കൂട്ടായ്മയിൽ മറ്റു രാജ്യങ്ങളിലും, സംസ്ഥാനങ്ങളിലുമായി ജോലിചെയ്യൂന്ന മെമ്പർമാർ ചേർന്ന് വാട്സാപ്പിൽ ചർച്ച ചെയ്തു ഓണ ഫണ്ട് മാറ്റിവയ്ക്കുകയായിരുന്നു ഈ സേവനങ്ങളുടെയെല്ലാം തുടക്കം.
കുട്ടികളിൽ ആദ്യഘട്ടങ്ങളുൽ പ്രോഗ്രാം മാറ്റിയതിൽ വിഷമമുണ്ടായെങ്കിലും പിന്നീട് സേവന തല്പരരായി കൂടെ നിന്നു. കുട്ടികൾക്ക് അടുത്ത വർഷം ഓർമയിൽ സൂക്ഷിക്കത്തക്കവണ്ണം ഓണ പ്രോഗ്രാം നടത്തുമെന്ന് വാക്കുനൽകിയിരിക്കുയാണ്. AKLB പ്രസിഡണ്ട് രാജേഷിന്റെയും, സെക്രട്ടറി ജിതിന്റെയും, ട്രഷറർ ജിതിൻ ബാബുവിന്റെയും കൂട്ടായ്മയിൽ മുന്നോട്ടുപോകുന്ന ഈ ചെറുപ്പക്കാരുടെ ശ്രമങ്ങളെ പ്രോത്സാഹിപ്പിക്കേണ്ടത് ആവശ്യമാണ് ... തിരക്കിട്ട വഴിയിൽ ഒതുങ്ങിനടക്കാതെ ഒരുമയോടെ മുന്നോട്ടുപോകുന്ന ചെറുപ്പക്കാർക്ക് പിലാത്തറ ഡോട്ട് കോമിന്റെ അഭിനന്ദനങ്ങൾ നേരുന്നു...