താലൂക്ക് ആശുപത്രിയിൽ തിരുവോണ സദ്യ നൽകാൻ ഈ വർഷവും അവർ ഒരുമിച്ചു.

ചെറുതാഴം - റെഡ് സ്റ്റാർ കൊവ്വൽ ഗ്രാമീണ വായനശാല & ഗ്രന്ഥാലയത്തിന്റെ നേതൃത്വത്തിൽ പഴയങ്ങാടി ഗവ: താലൂക്ക് ആശുപത്രിയിൽ തിരുവോണനാളിൽ തിരുവോണ സദ്യ സംഘടിപ്പിച്ചു

കൊവ്വൽ ഗ്രാമീണ വായനാശാല പ്രസിഡണ്ട് ഒ കെ ബൈജുവിന്റെ അദ്ധ്യക്ഷതയിൽ ഏഴോം ഗ്രാമ പഞ്ചായത്ത് പ്രസിഡണ്ട്  പി ഗോവിന്ദൻ ഉദ്ഘാടനം നിർവ്വഹിച്ചു.

ക്ലബ്ബ് സെക്രട്ടറി എ നിഷാന്ത് സ്വാഗതം പറഞ്ഞു. കെ മനോജ്,ഡോ.അഫ്സൽ, നഴ്സിംഗ് ഓഫീസർ മുഹമ്മദ് ഷെരീഫ്,എം പി ഗിരിഷ്, ടി രമേശൻ, ഏ കെ ഉണ്ണികൃഷ്ണൻ, സി ഗണേശൻ എന്നിവർ സംസാരിച്ചു. വി വി മനീഷ്(പി.ആർ.ഒ ) നന്ദി പറഞ്ഞു. 

തിരുവോണനാളിൽ  ആശുപത്രിയിൽ എത്തിയ രോഗികൾക്കും കൂട്ടിരിപ്പുകാർക്കും  ജീവനക്കാർക്കും സ്നേഹം നിറച്ച ഓണസദ്യ അനുഗ്രഹമായി. വരും വർഷങ്ങളിലും ഇത്തരം  സൽപ്രവർത്തനങ്ങൾ തുടരണം എന്നാണ് ക്ലബ്ബ് ആഗ്രഹിക്കുന്നത് എന്ന് ഭാരവാഹികൾ അറിയിച്ചു.