ഹയർ സെക്കണ്ടറി പാഠ്യപദ്ധതി സമഗ്രമല്ല: സ്സുറ്റഡൻസ് ഗാല

എ ഐ , ഓട്ടോമോഷൻ കോഡിംഗ്, റോബോട്ടിക്സ് സാങ്കേതികതയും ഓൺലൈൻ - ഹൈബ്രിഡ് വിദ്യഭ്യാസ രീതികളും അനിവാര്യമായി സംബോധന ചെയ്യേണ്ട മാറ്റങ്ങളാണ്.

പിലാത്തറ: ദ്രുതഗതിയിൽ വളരുന്ന ലോകത്ത് വിദ്യാർത്ഥികൾക്ക് അനുയോജ്യമായ പാഠ്യപദ്ധതി  ഒരുക്കുന്നതിൽ ഗവൺമെൻ്റും വിദ്യാഭ്യാസ പ്രവർത്തകരും സജീവമായി മുന്നിട്ടറങ്ങണം എന്ന് സ്റ്റുഡൻ്റ്സ് ഗാല. 

സാങ്കേതിക വിദ്യയിലും പരിസ്ഥിതിയിലും വിത്യസ്ഥ പഠന പ്രവണതയിലും സംഭവിക്കുന്ന സാമൂഹ്യ മാറ്റങ്ങളെ ഉൾക്കൊള്ളൽ അനിവാര്യമായിരിക്കുന്നു. ഒരു ദശാബ്ദം മുമ്പാണ് ഹയർ സെക്കണ്ടറി പാഠ്യപദ്ധതിയിലെ പരിഷ്കരണം സംഭിവിച്ചിട്ടുള്ളത്.

എ ഐ , ഓട്ടോമോഷൻ കോഡിംഗ്, റോബോട്ടിക്സ് സാങ്കേതികതയും ഓൺലൈൻ - ഹൈബ്രിഡ് വിദ്യഭ്യാസ രീതികളും അനിവാര്യമായി സംബോധന ചെയ്യേണ്ട മാറ്റങ്ങളാണ്.

പരിസ്ഥിതി വികസനത്തെ സംബന്ധിച്ചുള്ള കാഴ്ചപ്പാടുകൾ പൊതു സമൂഹത്തെ കൂടി ഭാഗമാക്കിയുള്ള ചർച്ചകളിലൂടെ ആശയ രൂപീകരണം നടത്തി പരിഷ്കരിക്കേണ്ടതുണ്ട്.

തൊഴിലധിഷ്ഠിത - സ്കിൽ കോഴ്സുകളുടെ അപര്യാപ്തത വിദ്യാർത്ഥികളെ ആഗോള സമൂഹത്തിനിടയിൽ നിന്ന് തന്നെ പിന്നോട്ടടിപ്പിക്കാൻ കാരണമാകുന്നു.

പാഠ്യപദ്ധതി കാലോചിതം പരിഷ്കരിക്കുകയെന്നത് ഭരണകൂടത്തിൻ്റെ പ്രഥമ പരിഗണനയിലുണ്ടാവുക എന്നത് പ്രധാനമാണ്.കേരള യാത്രയുടെ ഭാഗമായി ജില്ലയിലെ ഹയർ സെക്കൻഡറി വിദ്യാർത്ഥികളുടെ സമ്മേളനം സ്റ്റുഡൻ്റ്സ് ഗാല പയ്യന്നൂരിൽ പ്രൗഢമായി നോ ക്യാപ്, ഇറ്റ്സ് റ്റുമാറോ എന്ന പ്രമേയത്തിൽ സംഘടിപ്പിക്കപ്പെട്ട സമ്മേളനം വിദ്യാർത്ഥികളുടെ സാമൂഹിക സാമ്പത്തിക രാഷ്ട്രീയ മേഖലകളിലെ വികാസവും പുതിയ കാലത്തെ വിദ്യാഭ്യാസ മേഖലകളിലെ ആലോചനകളും പകരുന്നതായിരുന്നു. പഠന ക്ലാസുകൾ, കരിയർ ക്ലിനിക്, ഗെയിം, ക്വിസ് തുടങ്ങിയവ ഗാലയെ മനോഹരമാക്കി. ജില്ലയിലെ 13 ഡിവിഷനുകളിൽ നിന്നായി രജിസ്റ്റർ ചെയ്ത വിദ്യാർത്ഥികൾ പങ്കെടുത്തു.

കേരള മുസ്ലിം ജമാഅത്ത് സംസ്ഥാന ഉപാധ്യക്ഷൻ കെപി അബൂബക്കർ മുസ്ലിയാർ പട്ടുവം ഉദ്ഘാടനം ചെയ്തു. എസ് എസ് എഫ് ജില്ല അധ്യക്ഷൻ അജീർ സഖാഫി അധ്യക്ഷത വഹിച്ചു. ദേശീയ സെക്രട്ടറി ദിൽഷാദ് അഹ്മദ്, റഫീഖ് അമാനി തട്ടുമ്മൽ എന്നിവർ സംസാരിച്ചു. ഡോ.അബൂബക്കർ, അബ്ദുറഹ്മാൻ എരോൽ, ഡോ. അബ്ദുല്ല, താജുദ്ദീൻ അബൂബക്കർ, അബ്ദുല്ല അബ്ദുൽ ഖാദർ തുടങ്ങിയവർ വിവിധ സെഷനുകൾക്ക് നേതൃത്വം നൽകി.

സകരിയ്യ മാസ്റ്റർ, ആസാദ് സഖാഫി, അബ്ദുൾ നാസർ ഹാജി, കാസിം മാസ്റ്റർ തുടങ്ങിയവർ സംബന്ധിച്ചു. ജില്ലാ സെക്രട്ടറി സാലിം പാമ്പുരുത്തി സ്വാഗതവും സവാദ് സി പി നന്ദിയും പറഞ്ഞു