അശ്വതി ശശിക്ക് മുഖ്യമന്ത്രിയുടെ വിദ്യാർത്ഥി പ്രതിഭാ പുരസ്കാരം

സംസ്ഥാന സർക്കാർ നൽകുന്ന മുഖ്യമന്ത്രിയുടെ വിദ്യാർത്ഥി പ്രതിഭാ പുരസ്കാരം ഈ വർഷം പിലാത്തറ സി.എം നഗരിലെ സ്വരത്തിൽ താമസിക്കുന്ന അശ്വതി ശശിക്ക് ലഭിച്ചു. ഒരു ലക്ഷം രൂപയും പ്രശസ്തിപത്രവും അടങ്ങുന്നതാണ് പുരസ്കാരം.

കേരള സർക്കാരിന്റെ ഉന്നതവിദ്യാഭ്യാസ വകുപ്പ്  സംസ്ഥാനത്തെ മികച്ച ബിരുദ വിദ്യാർത്ഥികൾക്കായി നൽകുന്ന സുപ്രധാനമായ ഒരു സ്കോളർഷിപ്പ്/അംഗീകാരമാണ് മുഖ്യമന്ത്രിയുടെ വിദ്യാർത്ഥി പ്രതിഭാ പുരസ്കാരം. രാജ്യത്ത് ആദ്യമായി 2021–22 അധ്യയന വർഷത്തിലാണ് സംസ്ഥാന സർക്കാർ വിദ്യാർത്ഥി പ്രതിഭാ പുരസ്കാരം  ആരംഭിച്ചത്. നിലവിൽ രണ്ടാമത്തെ തവണയാണ് ഈ ബഹുമതി നൽകുന്നത്. 2022-23, 2023-24 അധ്യയന വർഷങ്ങളിൽ ബിരുദപഠനത്തിൽ മികച്ച വിജയം നേടിയ 2000 വിദ്യാർത്ഥികൾക്കുള്ള (ഓരോ വർഷവും 1000 പേർ വീതം) ഒരു ലക്ഷം രൂപയുടെ പുരസ്‌കാര വിതരണം 2026 മാർച്ച് 10-നാണ് നടക്കുന്നത്.

തലശ്ശേരി സർക്കാർ ബ്രണ്ണൻ കോളേജിൽ 2023–24 അധ്യയന വർഷത്തിൽ ബി.എ. ഫങ്ഷണൽ ഇംഗ്ലീഷ് വിഭാഗത്തിൽ രണ്ടാം റാങ്ക് നേടിയതിനാണ് അശ്വതിയെ ഈ പുരസ്കാരത്തിന് തിരഞ്ഞെടുത്തത്. പിലാത്തറ സി.എം നഗരിലെ സ്വരത്തിൽ താമസിക്കുന്ന പരേതനായ ശശി ചുങ്കത്ത് – സുഷമ ദമ്പതികളുടെ മകളാണ് അശ്വതി ശശി. 

അശ്വതിക്ക് ലഭിച്ച ഈ നേട്ടത്തിൽ കുടുംബാംഗങ്ങളും സുഹൃത്തുക്കളും നാട്ടുകാരും അഭിനന്ദനം അറിയിച്ചു.

 

advt
സമ്മർ വെക്കേഷൻ കോഴ്സ് പിലാത്തറയിൽ അഡ്മിഷൻ ആരംഭിച്ചു 
8281016662 visit website http://https://anandham.archikites.com/