വെദിരമന വിഷ്ണു നമ്പൂതിരി സ്മൃതി സംഗമം നടന്നു.

പിലാത്തറ: സാമൂഹ്യ- സാംസ്‌കാരിക-ജീവകാരുണ്യ പ്രവർത്തകനും കേശവതീരം ആയുർവ്വേദഗ്രാമം സ്ഥാപകനുമായ വെദിരമന വിഷ്ണു നമ്പൂതിരിയുടെ ചരമവാർഷിക ദിനാചരണം പുറച്ചേരി കേശവതീരം ആയുർവ്വേദ ഗ്രാമത്തിൽ നടന്നു.

വെദിരമന തറവാട്ട് കാരണവർ വെദിരമന ഈശ്വരൻ നമ്പൂതിരി ദീപം തെളിയിച്ചു. സ്മൃതി സംഗമം നോവലിസ്റ്റ് സി.വി. ബാലകൃഷ്ണൻ ഉദ്ഘാടനം ചെയ്തു. പഞ്ചായത്ത് പ്രസിഡൻ്റ്

സനൂപ് മോഹൻ അധ്യക്ഷത വഹിച്ചു. മുൻ എം.എൽ .എ. ടി.വി.രാജേഷ് മുഖ്യാതിഥിയായി. ഒ.കെ.നാരായണൻ സ്മൃതിഭാഷണം നടത്തി. ചടങ്ങിൽ

വെദിരമന വിഷ്ണു നമ്പൂതിരി സ്മാരക കർമ്മ ശ്രേഷ്ഠ പുരസ്കാരം ഡോ.എം ഹരിദാസിന് കേശവതീരം ഡയറക്ടർ ലത വി.അന്തർജനം സമ്മാനിച്ചു. കേശവതീരം ഭിഷക്ശ്രീ പുരസ്‌കാരം ഡോ. വി. കെ ഉദയവർമ്മ, യുവ ഭിഷക് പുരസ്കാരം ഡോ. പ്രശാന്ത് ആറ്റുപുറം, കാരുണ്യ ശ്രേഷ്‌ഠ പുരസ്‌കാരം ഉണ്ണി പുത്തൂർ എന്നിവർക്ക് നൽകി. 30 വയോജനങ്ങളെ ആദരിച്ചു. 

 കെ.ശശിധരൻ ഔഷധ സസ്യ വിതരണം ചെയ്തു. ഡോ. അശ്വതി വെദിരമന, ഡോ. തുളസി കേശവൻ എന്നിവർ ചാരിറ്റി പദ്ധതികൾ പ്രഖ്യാപിച്ചു. തുടർന്ന് യോഗായനം സംഗീത സന്ധ്യ എന്നിവയുണ്ടായി. 

കവി കൃഷ്ണൻ നടുവലത്ത്, വാദ്യ പ്രവീൺ ഡോ. ചെറുതാഴം കുഞ്ഞിരാമ മാരാർ, പഞ്ചായത്തംഗം കെ.നീതു , പ്രശാന്ത് കണ്ണോം ,ഇടൂഴി ഉണ്ണികൃഷ്ണൻ നമ്പൂതിരി, ഡോ. എ.വി. സാജൻ, കെ.എസ്. ജയമോഹൻ, ഡോ. കേശവൻ വെദിരമന രാമകൃഷ്ണൻ കണ്ണോം, എം ശ്രീധരൻ എന്നിവർ സംസാരിച്ചു. യോഗായനം, സംഗീത നിലാവ് എന്നിവയുണ്ടായി

വെദിരമന വിഷ്ണു നമ്പൂതിരി സ്മാരക കർമ്മ ശ്രേഷ്ഠ പുരസ്കാരം ഡോ.എം ഹരിദാസിന് കേശവതീരം ഡയറക്ടർ ലത വി.അന്തർജനം സമ്മാനിക്കുന്നു