അമ്പലം കൊള്ള മാടായിക്കാവിലും

മാടായിക്കാവിൽ വഴിപാട് രസീതിൻ്റെ ഡ്യൂപ്ലിക്കറ്റ് നൽകി തട്ടിപ്പ്; ജീവനക്കാരനു സസ്പെൻഷൻ

പഴയങ്ങാടി മലബാർ ദേവസ്വം ബോർഡിനു കീഴിലുളള മാടായിക്കാവിൽ വഴിപാട് കൗണ്ട റിൽനിന്ന് നൽകുന്ന രസീതിൻ്റെ ഡ്യൂപ്ലിക്കറ്റ് എടുത്ത് തിരുത്തൽ വരുത്തി നൽകി ധനാപഹരണം നടത്തിയ ജീവനക്കാരനെ സസ്പെൻഡ് ചെയ്തു‌. ദേവസ്വം എംപ്ലോയീസ് യൂണിയൻ (സി ഐടിയു) മാടായി ഏരിയ കമ്മിറ്റി സെക്രട്ടറിയും ജില്ലാകമ്മിറ്റി അംഗ വുമായ എ.വി.അനീഷിനെ (മണി 45) ആണ് അന്വേഷണവിധേയമായി ചിറക്കൽ കോവിലകം എക്സിക്യൂട്ടീവ് ഓഫിസർ കെ. വേണു സസ്പെൻഡ് ചെയ്തത്. സംഭവത്തിൽ ദേവസ്വം അധികൃതർ അന്വേഷണം ഊർജിതമാക്കി .

വിവിധ സംസ്ഥാനങ്ങളിൽനിന്ന് മാടായിക്കാവിലെത്തുന്ന വിശ്വാസികളെയാണു പറ്റിച്ചത്. ഇത്തരം രസീതുകളുമായി പ്രസാദം വാങ്ങിക്കാൻ വിശ്വാസികൾ എത്തിയതു ശ്രദ്ധയിൽപെട്ടപ്പോഴാണ് സംഭവം പുറത്തറിഞ്ഞത്.

 കമ്പ്യൂട്ടർ രസീതിൽ വഴിപാട് നടത്തിയ ഭക്‌തൻ്റെ പേര് രേഖപ്പെടുത്തിയ സ്‌ഥലം വൈറ്റ്നർ ഉപയോഗിച്ച് മായ്ച്ചശേഷം അവിടെ പുതുതായി വഴിപാട് നടത്തിയ ഭക്‌തന്റെ പേര് ചേർത്താണു തട്ടിപ്പ്. കഴിഞ്ഞ 6 മാസത്തി നുളളിൽ അനീഷ് വ്യാപകമായ രീതിയിൽ തട്ടിപ്പ് നടത്തിയതായി പ്രാഥമിക അന്വേഷണത്തിൽ തെളിഞ്ഞിട്ടുണ്ട്. 3 വർഷമായി കൗണ്ടറിൽ അനീഷ് ജോലി ചെയ്യുന്നുണ്ട്. ഇതിന്റെ അടി സ്‌ഥാനത്തിൽ 3 വർഷത്തെ വഴിപാട് രസീതുകൾ അന്വേഷണ പരിധിയിൽ വരും. മലയാളത്തിലാണ്  കമ്പ്യൂട്ടറൈസ്ഡ്  റസീട്ടുകളിലെ പേരുകൾ വരുന്നത്. വിലകൂടിയ പൂജകളും വഴിപാടുകളും നേരുന്നത് കൂടുതലും കർണാടക ഭക്തരാണ്. 

മൂന്ന് വർഷക്കാലമായി കൌണ്ടർ വഴി ഭക്തർ അർപ്പിക്കുന്ന വഴിവാട് വരവിൽ ഇത്തരത്തിൽ കൃത്രിമം നടത്തി ലക്ഷക്കണക്കിന് രൂപ സമ്പാദിച്ചതായി സംശയിക്കുന്ന പശ്ചാത്തലത്തിൽ, ചിറക്കൽ ദേവസ്വം എക്സിക്യൂട്ടീവ് ഓഫീസർ ഈയാളെ സസ്പെൻ്റ് ചെയ്തിട്ടുണ്ട്. തുടരന്വേഷണം നടത്താൻ തീരുമാനിച്ചിരിക്കുകയാണ്.