വാര്ത്താ വിവരണം
രജനി വെള്ളോറയുടെ കവിതാസമാഹാരം 'അഴൽ നിഴൽ' പ്രകാശിതമായി.
26 April 2022
Reporter: shanil cheruthazham
കവിയും സാമൂഹ്യ പ്രവർത്തകയുമായ രജനി വെള്ളോറയുടെ കവിതാസമാഹാരം 'അഴൽ നിഴൽ', സഞ്ജയൻ സ്മാരകഗ്രന്ഥാലയത്തിൽ വെച്ച് കവി മാധവൻ പുറച്ചേരി, മാത്തിൽ ഗവ. ഹയർസെക്കൻഡറി റിട്ടയേർഡ് പ്രിൻസിപ്പലും സാമൂഹ്യപ്രവർത്തകയുമായ ജയശ്രീ ടീച്ചർക്ക് നൽകി പ്രകാശനം ചെയ്തു.
ലൈബ്രറി കൗൺസിൽ താലൂക്ക് സെക്രട്ടറി കെ ശിവകുമാർ, പി അപ്പുക്കുട്ടൻ മാസ്റ്റർ, പെരിയ ജിഎച്ച്എസ്എസ് അധ്യാപികയും ഗ്രന്ഥശാല പ്രവർത്തകയുമായ ഡോ.ശ്രീലേഖ എസ്, ഗ്രന്ഥാലയം സെക്രട്ടറി സി വി വിനോദ് കുമാർ, ഡിസംബർ ബുക്സ് ജയദേവൻ കരിവെള്ളൂർ, വനിതാവേദി പ്രസിഡന്റ് വി കെ ദേവകി, വനിതാവേദി സെക്രട്ടറി വി എം ഉമടീച്ചർ, വനിതാവേദി അംഗം ലീന കെ എൻ, ലിഷ ബിനോയി എന്നിവർ സംസാരിച്ചു. അന്നൂർ സഞ്ജയൻ സ്മാരകഗ്രന്ഥാലയം അംഗം കൂടിയാണ് രജനി വെള്ളോറ.
loading...