വാര്ത്താ വിവരണം
ക്രിസ്മസ് ആഘോഷമൊരുക്കി ഫാ. സുക്കോൾ വായനശാല ആൻഡ് ഗ്രന്ഥാലയം
28 December 2023
Reporter: pilathara.com
പരിയാരം: ഫാ. സുക്കോൾ വായനശാല ആൻഡ് ഗ്രന്ഥാലയം സെന്റ് ആന്റണീസ് ചർച്ച് ശ്രീസ്ഥയുടെ ആഭിമുഖ്യത്തിൽ ക്രിസ്തുമസ് ആഘോഷ പരിപാടികൾ നടന്നു. ഗ്ലോറിയ നൈറ്റ് എന്ന പേരിൽ ശ്രീസ്ഥ സെന്റ് ആന്റണീസ് ചർച്ച് ഓഡിറ്റോറിയത്തിൽ നടന്ന പരിപാടി പുല്ലാംകുഴൽ കലാകാരൻ ജോൺസൺ പുഞ്ചക്കാട് ഉദ്ഘാടനം ചെയ്തു.
സെന്റ് ആന്റണീസ് ചർച്ച് ഇടവക വികാരി ഫാ. പോൾ സാവിയോ ചടങ്ങിന് അധ്യക്ഷത വഹിച്ചു. ഫാ. സുക്കോൾ വായനശാല ആൻഡ് ഗ്രന്ഥാലയം പ്രസിഡന്റ് ജോബിൻ പ്രേമൻ സ്വാഗതവും, സെക്രട്ടറി ഷാരോൺ സത്യൻ നന്ദിയും അറിയിച്ചു. ചെറുതാഴം പഞ്ചായത്ത് എട്ടാം വാർഡ് മെമ്പർ ബിന്ദു കെ വി, സെന്റ് മേരിസ് ചർച്ച് കുളപ്പുറം ഇടവക വികാരി റവ: ഫാദർ റോബർട്ട് ടി, പാരിഷ് സെക്രട്ടറി ബിനു എൻ എച്ച്, ബ്രിജിറ്റൈൻ കോൺവെന്റ് മദർ സുപ്പീരിയർ സിസ്റ്റർ എമി, കെസിവൈഎം ശ്രീസ്ഥ യൂണിറ്റ് പ്രസിഡന്റ് ഫ്രാൻസിസ്, വിസിറ്റേഷൻ കോൺവെന്റ് മദർ സുപ്പീരിയർ സിസ്റ്റർ റീറ്റ തുടങ്ങിയവർ സംസാരിച്ചു. തുടർന്ന് കുട്ടികളുടെ വിവിധ ക്രിസ്തുമസ് കലാപരിപാടികളും അരങ്ങേറി.